ئاگەهداری بۆ دەرچوویێن خواندنا بلند ل زانکۆیا زاخۆ یێن سالێن ٢٠٢٣ و سەردا.

زانکۆیا زاخۆ ڕادگەهینیت کو دێ ئاهەنگا دەرچوونا قوتابیێن خواندنا بلند (ماستەر و دکتۆرا) ل ڕۆژا چارشەمبی ڕێکەفتی ٢٥ـی چریا دووێ ٢٠٢٦، دەمژمێر دووی پشتی نیڤرۆ هێتە گێڕان.

ب ڤێ هەلکەفتێ، زانکۆ داخوازێ ژ هەمی دەرچوویێن کو حەزا پشکداریێ د ئاهەنگێ دا هەی دکەت کو پێگیریێ ب ڤان ڕێنمایێن ل خوارێ بکەن:

١. خۆتۆمارکرنا پێشوەخت: پێدڤیە هەر دەرچوویەکێ بڤێت د ئاهەنگێ دا ئامادە بیت، پێزانینێن خۆ د ڕێکا فۆرما ئەلیکترۆنی یا ل خوارێ دا تۆمار بکەت، د ماوەیەکێ دا کو ژ ڕۆژا دووشەمبی ڕێکەفتی (٢٠٢٦/١١/٢٣) نەبۆریت، ب مەرەما ڕێکخستنا ئاهەنگێ و زانینا هژمارا پشکداربوویان.

لینکێ فۆرما خۆتۆمارکرنێ: https://form.uoz.edu.krd/index.php/136157?lang=en

٢. ڕۆبێ دەرچوونێ: پێدڤیە هەر دەرچوویەکێ پشکدار، بەری ژڤانێ ئاهەنگێ ڕۆبێ دەرچوونێ ژ گەنجینا (مەخزەنا) وێ کۆلیژێ وەربگریت یا کو ژێ دەرچوویی.

٣. ژڤانێ ئاهەنگێ: ئاهەنگ دێ دەمژمێر دووی نیڤرۆ دەستپێکەت، لەوما هیڤیدارین هەمی پشکداربوو بەری ژڤانێ دیارکری ب دەمەکێ گونجای ئامادە بن داکو ئاهەنگ ب باشترین شێوە بهێتە ڕێکخستن.

سەرۆکاتیا زانکۆیا زاخۆ گەرمترین پیرۆزباهیان ل هەمی دەرچوویێن خواندنا بلند دکەت و هیڤیا بەردەوامیا سەرکەفتن و سەرفەرازیێ د کاروانێ وان یێ زانستی و پیشەیی دا بۆ دخوازیـت.

زانکۆیا زاخۆ

2026/11/22 01:25 PM 46